Shkruar nga Pamfleti
Vershtapen nuk njeh rivalë, triumfon në Baku dhe ‘arratiset’ në krye, Ferrari katastrofë (Video)
Maks Vershtapen triumfon në Çmimin e Madh të Bakusë, duke kryesuar tashmë i vetëm në renditjen e përgjithshme të pilotëve, duke përfituar dhe nga gabimet e bëra nga rivalët e tij.
Kampioni i Botës në fuqi e nisi nga vendi i tretë dhe dukej se do të kishte probleme, por pas një problemi në makinë te shoku i tij i skuadrës, Serxhio Perez dhe problemeve skandaloze të Ferrarit, bënë që holandezi të triumfonte në këtë garë pa pasur askënd që ta ndalonte.
Në vendin e dytë u ngjit Serxhio Perez, edhe pas një gabimi në gomat e makinës, ndërsa në vendin e tretë u ngjit Xhorxh Rasëll, i ndjekur nga Luis Hemilton, i cili u zgjodh dhe piloti i ditës.
Garë për t’u harruar për Ferrarin. Skuteria italiane e nisi si mos më keq, duke humbur Karlos Sainz për shkak të disa problemeve që kishin marshet e makinës, ndërsa më pas, në xhiron e 21, Sharls Leklerk pati probleme me motorin e makinës së tij, duke e nxjerrë Ferrarin pa pikë nga Azerbajxhani, me kampionatin botëror që e shikon se i largohet dhe më shumë.
Botërorin vazhdon ta kryesojë Vershtapen, i cili ndiqet nga shoku i tij i skuadrës Serxhio Perez, me Leklerk që bie në vendin e tretë.
Engine @Charles_Leclerc pic.twitter.com/ptafzhbDzo
— Pink Angel Wings (@LeclercFanCL16) June 12, 2022
