Me zërin e saj ajo ka prekur zemrat e publikut që në momentin e parë që këndoi në “The Voice Kids”. Pastaj ishte historia e saj që pushtoi mediat.
Bëhet fjalë për Danjelën, e cila është 13 vjeçe dhe jeton në Kukës me gjyshen dhe çdo fundjavë shkonte te prindërit në fshat për t’i ndihmuar.
Ndërkohë mbrëmjen e djeshme te “The Voice kids”, Ledioni zbuloi se Danjela ja ka kaluar me klikime edhe performancës së Encës në “The Voice”.
“Si ndihesh që ia ke kaluar edhe performancës së Encës në Voice me klikime?”, e pyeti Ledioni Danjelën e cila vetëm buzëqeshi.
Performanca e Danjelës ka arritur mbi 1 milion shikime në “Youtube” duke ja kaluar kështu Encës e cila ka 800 mijë shikime dhe mbante rekordin deri më tani.