Analisti Frrok Çupi ka komentuar edhe lidhur me vizitën e ish-Sekretarit amerikan të Shtetit, Mike Pompeo në Tiranë.
Ai deklaroi se ardhja e tij ishte një mesazh që SHBA po e përkëdhel shumë Shqipërinë për të çmontuar rrezikun Berisha që të mos shpërthejë si një bombë.
Sipas tij, Berisha tani ndodhet si miu në çark për të thënë të vërtetën, por beson se mund t’ja dalë duke bërë manovra.
“Ardhja e tij si një nga njerëzit, kockat më të forta që ka SHBA, madje ka disa koincidenca që e bëjnë sikur të mendosh me që drejtë se SHBA po e përkëdhel shumë Shqipërinë për ta çmontuar rrezikun Berisha që të mos shpërthejë si një bombë, dhe po ja bën të gjitha yzmtet. Çdo akuze të Berishës, SHBA del dhe i kundërpërgjigjet. Berisha tani ndodhet si miu në çark për të thënë të vërtetën, por beson se mund t’ja dalë duke bërë manovra, por është e papranueshme që një parti e udhëhequr prej tij. Partinë e bën në radhë të parë shpirti i kombit, nëse i shkon për shtat shpirti të tij atëherë ka rrugën e ligjit dhe nëse ai e njeh është parti. Me shpirtin e kombit dua të them se ky është një grupim antiamerikan i spikatur si i atillë. Ata kanë thënë që kanë numrat por kjo është çështja e PD brenda, me numra është zgjedhur dhe Basha dhe me miratimin e Berishës, por s’ka ndodhur ndonjë gjë përveçse shpalljes non grada të Berishës.”, tha Çupi në MCN TV.
Ndërsa i pyetur se një rikthim në politikë i Metës dhe bashkëpunimi me Berishën çfarë i sjell vendit, Çupi tha se kjo nuk ndodh, por sipas tij edhe nëse nëse ndodh ne s’do të ishim këtu dhe kjo Shqipëri nuk do jetë këtu.
“Për të qenë ata duhet të votohen, por njerëzit vetëm po presin që këta të dy vetëm të izolohen dhe jo të kthehen në pushtet. Turmat janë më shumë të zhurmshme se sa është realiteti, por nëse do të kishin një shumicë kjo gjë nuk mund të prevalonte mbi interesat e kombit. Kjo nuk do të ndodhi sepse shqiptarët nuk janë më ata që janë shkelur prej Berishës dhe Metës, ata janë civilizuar, shkolluar, ka interesa, biznese, nuk mund ta djeg më vendin, mendojnë ndryshe. Angazhimet e SHBA nuk duhet të merren si një shaka, angazhimi i tyre në një lufte totale ndaj Berishës dhe Metës.”, shtoi Çupi.
