Sport21 Gusht 2019, 13:44

Vllaznia zyrtarizon dy brazilianë, baste të rrezikshme

Shkruar nga Pamfleti
Vllaznia zyrtarizon dy brazilianë, baste të rrezikshme

Vllaznia ka arritur firmën me dy futbollistë të tjerë. Administratori Suad Lici ka prezantuar afrimin e dy brazilianëve, Hygor Giumaraes Goncalves dhe Wenderson Da Silva Soares. Të dy janë emra të panjohur për kampionatin tonë dhe shkojnë në Shkodër si baste. I pari është mesfushor qendre, ndërsa i dyti luan si sulmues.

Publikimi i Vllaznisë – “Skuadra e Vllaznisë është plotësuar edhe me dy lojtarë të tjerë. Mesditën e sotme kanë firmosur kontratat dhe janë prezantuar edhe dy blerjet e rradhës. Bëhet fjalë për futbollistët brazilianë Hygor Guimaraes Goncalves dhe Wenderson Da Silva Soares. I pari është 30 vjeç dhe ka një karrierë të gjatë teksa në sezonin e fundit ka qenë pjesë e një skuadre në Liban. Ai luan në pozicionin e mesfushorit të qendrës.

“Ndërkohë Wenderson luan si sulmues dhe kryesisht ka luajtur në vendin e tij. Kontratat e këtyre futbollistëve janë deri në fundin e këtij sezoni, me të drejtë rinovimi edhe për një tjetër.

Ndërkohë nga pasditja e sotme, të dy lojtarët janë vënë në dispozicion të stafit teknik duke zhvilluar seancën e parë stërvitore. KF Vllaznia i uron mirëseardhjen futbollistëve Hygor dhe Wenderson dhe shpreson që bashkë me pjesën tjetër të lojtarëve të arrijnë objektivat e klubit”, – shkruan klubi shkodran.

Sport Vllaznia