Përse hesht SPAK, përballë këtij ish- drejtori policie me rekorde kriminale? – Pse nuk e arrestoi, as për rastin e mashtrimit publik dhe fshehjes së provave të krimit në Elbasan, kryer së bashku me ish-vartësin Albert Nushi? – Kaq e dobët apo e përlyer është drejtësia e re, përballë Ardi Veliut, i cili gjatë detyrave të larta policore, ka marrë edhe pagë ilegale 1000 Euro në muaj te policia private e “eskobarit” të LSI Klement Balili?
Arrestimi i ish-zv/drejtorit të Policisë Elbasan, Albert Nushi ose “Langoi i Babales” siç e quajnë dhe kolegët, konfirmoi me prova, se “koka” e bashkëpunimit me grupet e krimit, mbrojtës e fshehës i veprimtarisë së tyre, ka qenë ish-kryepolici Ardi Veliu.
Mjafton vepra penale, për të cilën u arrestua vartësi Albert Nushi, që në pranga të ishte çuar dhe ish- Drejtori i Policisë, Ardi Veliu, prej 8 muajsh Zv/ministër i Infrastrukturë-Energjisë.
Sepse skenarin e zhdukjes së provave në vendin e ngjarjes, fshehja e tyre dhe mashtrimi publik duke mohuar prezencën e policisë, e bëri Ardi Veliu, i cili tentoi të devijonte hetimet, të ndryshonte shkakun dhe të vërtetën e vrasjes së Xhuvanit.
Përse bashkë me dy drejtuesit policorë Albert Nushi e Nikollaq Palla, nuk u arrestua dhe ish-kryepolici Ardi Veliu, konfirmuar si skenarist i fshehjes së ngjarjes dhe provave të krimit?
Dihet që krye- prokurori i Elbasanit, Kreshnik Ajazi, e ka lënë Ardi Veliun jashtë dosjes hetimore, për shkak se në vend- ngjarje janë gjetur dhe prova krimi elektoral në favor të blerjes së votave për vëllain e tij deputet i PS-Elbasan, Besjon Ajazi.
Por Ardi Veliu nuk duhet të lihet i lirë e pa përgjegjësi penale, sepse është bashkë- autor në krim me Albert Nushin, prandaj prokuroria zonale e SPAK duhet ta arrestojnë, mbasi kur ka kryer mashtrimin publik dhe fshehjen e provave, ka qenë Drejtor i Policisë.
Nuk ka asnjë arësye e pengesë ligjore, që Drejtësia të qëndrojë si “pulë” para Ardi Veliut, mbasi për të, prokuroritë në Vlorë, Durrës e Tiranë, por dhe SPAK në këto 30 muaj aktivitet, kanë 8 dosje penale për të, të hetuara e mbushura me prova krimi.
Psh., të njëjtën vepër penale si vrasja e Pjerin Xhuvanit në Elbasan, Ardi Veliu ka kryer pas vrasjes së Klodian Rrashës në Laprakë, kur urdhëroi zhdukjen e provave, tentoi të fsheh policin vrasës, çoi kobure te duart e viktimës, për ta quajtur “kriminel” dhe doli mashtpri publikisht.
Gjatë viteve 2000-2006, kur Ardi Veliu ka qenë drejtues Rendi e Anti-Krimit në Vlorës, është hetuar 3 herë nga SHÇBA dhe Prokuroria lokale, për bashkëpunim me grupet e trafikut të drogës, femrave e klandestinëve, dekonsipirim aksionesh e zhdukej provash krimi në disa vrasje, por falë lidhjes me Fatmir Xhafajt si Ministër Drejtësie, dosjet i janë lënë pezull.
Në vitin 2010, kur Ardi Veliu ishte Shef Policie Bashkiake, iu grabitën në banesë 500 milionë lekë dhe 670 gramë bizhuteri prej ari; por paçka se nuk bëri denoncim, prokuroria konkludoi se milionat i kishte marrë ryshfet nga ndërtuesit pa leje, ndërsa bizhuteritë nga trafikantët.
Në vitet 2013-2014, kur Ardi Veliu ishte Shef Komisariati në Durrës, prokuria lokale e ka hetuar për bashkëveprim me trafikantët e drogës, kontrabandistët e makinave dhe dekonspirim aksionesh policore, por dosjet me prova, u bllokuan nga ish krye-prokurorii Adriatik Llalla.
Ndërsa nga SPAK, është hetuar për lidhjet me grupin “Ndraghet’a”, të cilët kundrejt shpërblimit me djathë e mish, i kishte e lejuar pastrirnin e milionave me biznes ndërtimi në Tiranë.
Pse hesht SPAK, përballë këtij ish-drejtori policie me rekorde kriminale? Kaq e dobët apo e përlyer është dhe drejtësia e re, përballë Ardi Veliut, i cili gjatë detyrave të larta policore, ka marrë dhe pagë ilegale 1000 Euro te policia private e “eskobarit” Klement Balili të LSI?/Pamfleti
