Shkruar nga Pamfleti
Vrasja e Pjerin Xhuvanit para zgjedhjeve të 25 prillit, publikohen për herë të parë pamjet e krimit (Video)
Publikohen për herë të parë pamjet e vrasjes së Pjerin Xhuvanit, 4 ditë para zgjedhjeve parlamentare të 25 prillit, në lagjen ‘5 Maji’, në Elbasan.
Siç shihet nga pamjet ekskluzive të siguruara nga emisioni “Në Shënjestër’, ka pasur përplasje midis dy grupeve të militanteve. Po ashtu, në video vihet re se grupi i ruajtjes së votave i angazhuar nga PD bllokon një makinë që sipas tyre kishte lista me pagesa dhe para. Nga pamjet shihet Arber Paplekaj dhe Pjerin Xhuvani që më pas humb jetën. Në ngjarjen në fjalë që bë ‘mollë’ sherri mes palëve politike, u plagosën dhe tre persona të tjerë, mes tyre një efektive policie.
Aktualisht çështja është në gjykim, ndërkohë që autori i dyshuar, Arber Paplekaj ndodhet pas hekurave. Gjykata e Rrethit Gjyqësor të Elbasanit ka vendosur masën e pezullimit për gjashtë efektivët e “Shqiponjave”, të arrestuar për vrasjen e Pjerin Xhuvanit, të cilët akuzohen për mosveprim.
