Detaje të reja kanë dalë në dritë lidhur me vrasjen për gjakmarrje në Manati të Lezhës mesditën e të hënës, më 24 janar.
17-vjeçari Florian Përvathi e kishte thurur prej kohësh planin për vrasjen e fqinjit të tij Lek Lekgjonaj. Adoleshenti ka deklaruar në polici se ishte pajisur me armë prej të paktën 1 viti, por pa treguar se si e kishte siguruar pistoleten me mulli me të cilën kreu vrasjen.
Referuar raportit të policisë i cili tashmë i është përcjellë prokurorisë, rezulton se 17-vjeçari Florian Përvathi menjëherë pas ngjarjes ka shkuar tek zyra informacionit në Komisariatin e Policisë Lezhë ka lënë armën mbi tavolinë dhe i traumatizuar e gjendje të rënduar psikologjike ka thënë se kishte qëlluar me armë. Menjëherë blutë janë vënë në lëvizje dhe të orientuar nga i riu të cilin e morën me vetë kanë shkuar në vendin e ngjarjes. Aty gjetën të vrarë 65-vjeçarin Lek Lekgjonaj, vëllai i Ndue Lekgjonaj, që i vrau babanë në 2009, kur ishte vetëm 4-vjeç.
Pasi blutë konstatuan çfarë kishte ndodhur, prangosen menjëherë 17-vjeçarin Florian Përvathi dhe e dërguan në ambjentet e Komisariatit të Policisë Lezhë, aty ku po qëndron tashmë që prej ditës së hënë. Këtë të mërkurë prokuroria pritet të dërgojë në gjykatë kërkesën për masën e sigurisë “arrest në burg”, për veprat penale vrasja me paramendim dhe armbajtje pa leje.
17-vjeçari Florian Përvathi ekzekutoi mesditën e të hënës me armë zjarri fqinjin e tij Lek Lekgjonaj, pasi vëllai i këtij i të fundit i kishte vrarë babanë, Gjon Përvathi në vitin 2009.
