Së fundmi kanë dalë detaje të reja nga vrasja e 43-vjeçares ukrainase dhe partnerit të saj në Greqi nga një shtetas shqiptar. Mediat greke shkruajnë se është lëshuar një urdhër arresti për 45-vjeçarin.
Ngjarja ndodhi në tetor të 2020 në një shtëpi pushimi në Loutraki, me viktima me origjinë ukrainase, Svetlana Larik, 43 vjeç dhe farmacistin Ioannis, 42 vjeç.
Policia lëshoi një urdhër arresti kundër ish-partnerit 45-vjeçar të ukrainases.
Autoritetet dyshojnë se ai mund të jetë larguar nga vendi, prandaj është lëshuar një urdhër ndërkombëtar për kapjen e tij.
Raportohet se 45-vjeçari shqiptar kishte mbërritur në Loutraki me një makinë me qira natën e vrasjes së dyfishtë.
Mësohet se sipas burimeve të policisë, makina e bardhë ishte marrë me qira nga një kompani dhe kamerat e sigurisë kanë kapur automjetin e drejtuar nga shqiptari.
