Mediat opozitare në Beograd kanë shkruar se presidenti i Serbisë, Aleksandar Vuçiç po bëhen plane për të marrë një mbështetje më të gjerë, pas situatës së vështirë në të cilën gjendet Serbia në raport me dialogun me Kosovën, ku ndërkombëtarët po i bëjnë presion për marrëveshje dhe vendime të vështira.
Fushata ka filluar me rrjetet sociale si hap i parë.
Nova raporton se janë duke u bërë përgatitje për organizimin e mitingjeve në mbështetje të Vuçiçit për shkak të “sfidave që rrethojnë Kosovën”.
Siç raporton gazeta serbe, marrëveshja brenda partisë së Vuçiçit është që pas mbështetjes në rrjetet sociale, të vazhdojë mbështetja e hapur përmes tubimeve publike.
Përdoruesit e rrjeteve sociale ditëve të fundit kanë vërejtur një mbështetje të shtuar dhe dukshëm të orkestruar për presidentin e Serbisë nga anëtarët e partisë së Vuçiçit.
“Tashmë është bërë plani për organizimin e tubimeve në mbështetje të Vuçiçit në të gjithë vendin pas mbështetjes në rrjetet sociale. Kjo duhet të dërgojë një mesazh se Vuçiç ka mbështetjen e popullit para, siç thotë ai, betejave dhe negociatave vendimtare mbi Kosovën. Sa aktivistë mund të mblidhen në qytetet anembanë Serbisë , aktualisht është duke u numëruar dhe nuk përjashtohet që punonjësit në sektorin publik “të këshillohen” të vijnë në mitingje në mbështetje të liderit të partisë.”, thotë burimi i për gazetën serbe.
Vuçiç ka paralajmëruar ditë të vështira, pas presionit ndërkombëtar për arritjen e një marrëveshjeje mes Kosovës dhe Serbisë.
