Është mbyllur në barazim pa gola gjysmëfinalja e vajtjes e Kupës së Anglisë mes Liverpulit dhe Arsenalit.
Dukej se do të ishte një fitore e lehtë për skuadrën e Jurgen Klop, pas kartonit të kuq të marrë nga Xhaka në minutën e 24 të pjesës së parë, por nuk ishte kështu.
“Topçinjtë” arritën të rezistonin deri në fund dhe të merrnin një barazim me vlerë për ndeshjen e kthimit.
Rasti më i artë për Të Kuqtë erdhi në fundin e takimit, por u shpërdorua nga Minamino, i cili nxori topin jashtë në mënyrë të pashpjegueshme.
Edhe Klop e pati të vështirë t’u besonte syve.
