Ky vit do të mbyllet me “bubullima” të forta e “flakë rrufeje” që gjuajnë andej nga rrinë Zotat e pushtetit 30 vjeçar. Nga “Foltorja” e Sali Berishës, fillon ndeshja e madhe e “Peshqve” të Mëdhenj, me Amerikën.
Shkruan Sokol Pepushaj
Të kërkosh “Peshq” të mëdhenj, duhet të peshkosh nga Qeveria, Parlamenti, Foltorja, Rilindja, pushteti vendor, zyrat e shtetit., mafia dhe “fiset” e “familjet” e katër klaneve, tashmë të hetuara deri në cent të vjedhjes. Andej janë milionerët, andej turbullohen ujrat nga përplasjet e “Peshqve” pas rrjetës, andej sillet si hije ambasadorja Yuri Kim, andej e kanë vemëndjen shqiptarët.
Ky vit do të mbyllet me “bubullima” të forta e “flakë rrufeje” që gjuajnë andej nga rrinë Zotat e pushtetit 30 vjeçar. Nga “Foltorja” e Sali Berishës, fillon ndeshja e madhe e “Peshqve” të Mëdhenj, me Amerikën.
Perspektiva premton.
Burgu pret hajdutët e hajdutët burgun.
Ndëshkimi është i sigurtë për këdo keqpërdori fondet publike. Thjeshtë hajdutët po vonohen pak. Asgjë s’mund të bëjnë më shumë, përveçse të shtyjnë ca ditë.
Pra, ose ti hajdut shtyn shokun, ose shoku ty, kaq. Se po, erdhi momenti i bërrylave mrapsht. Ata të fundit, që kanë vjedhë më pak, ngjan se janë më të fortë, shtyjnë më shumë.
Po ç’mund të bëjnë “Peshqit” e Mëdhenj?
Cikli i tyre përfundoi. Milionerë u bënë, me tituj shkencore po, Botës i ranë cep më cep e kurvëruan hoteleve më luksoze e të shtrenjta të globit, Amerikës i vunë kufirin tek thana e me ambasadores Yuri Kim po luajnë “kapuçash”.
E fsheh “zarin” Edi Rama nëpër “çorapet” e Parajsave Fiskale dhe i nxjerr gjuhën ambasadores, hë gjejë ku e futa “kokrrën”.
E merr pastaj Sali Berisha “zaren” e pasi e kalon grushtin poshtë “kapuçave” të Foltores, i drejton gishtin e mesit Amerikës; hë, ju të fortët, me këtë Kimeten do na trëmbni, ha haa haaa!
Edhe ambasadorja i sheh si ne.
Normalisht, se këta janë hapur antiamerikanë. Asnjëri nuk e tregon burimin e pasurive.
Ndaj ndodh kjo hata.
Sa herë ambasadorja Yuri Kim hapë gojën, “Peshqit” mbajnë frymën e njerëzia bëhet plot sy e veshë, mos po kërkon gjë “peshk”. Ja, lëpin buzët Yuri Kim apo përsëritë fjalët e ambasadorit Donald Lu, se po, të gjithë ata që kanë orët më të shtrenjta se makinat e ambasadës amerikane do të arrestohen e dënohen, ngjan se bie “bomba” nga stanet e Sali Berishës, Ilir Metës, Edi Ramës, “Tigrit”, “Ujkut”, “Kunadhes” e gjithë rracës së hajdutëve.
Ata janë bashkë, ndaj peshkatarët kanë dalë andej nga ujrat e thella këtë dhjetor. SPAK-u është gati për shumë fletë-arreste.
Është koha e keqe për hajdutët. Ata, në mbrojtje të gjësë së vjedhur gjithçka bëjnë.
Andej nga tufa me “Peshq” të Mëdhenj priten të papritura. Grepat e rrjetat janë plot. Yuri Kim, o kapë “Peshk”, o “Peshqit” da ta hanë…/Pamfleti
