Marija Zakharova, zëdhënëse e Ministrisë së Punëve të Jashtme të Rusisë, e ka cilësuar si “qesharake” kërkesën e Bashkimit Evropian për Serbinë për ta njohur Kosovën si shtet.
Pos kësaj kërkese, ajo është tallur edhe me kërkesën tjetër të BE-së drejtuar Beogradit për t’i vendosur sanksione Rusisë.
“Kjo është vërtet qesharake. Çfarë ka mbetur nga Evropa në BE? Vetëm një referencë gjeografike për kontinentin. Evropa si qytetërim tani ruhet pikërisht në Rusi”, ka shkruar Zakharova në Telegram.
Ajo mendon se tradita evropiane është shkatërruar në BE.
“Postulatet e lashta të ligjit dhe të drejtave, vlerat e krishtera dhe idealet e humanizmit janë shtrembëruar”, ka pretenduar Zakharova.
