Kronike27 Nëntor 2022, 21:21

Zbardhet masakra në familjen shqiptare në Itali: Vironi qëlloi Verën me plumb në kokë, të dashurin e ish-gruas e goditi 55 herë me thikë

Shkruar nga Pamfleti
Zbardhet masakra në familjen shqiptare në Itali: Vironi qëlloi

Zbardhet masakra në familjen shqiptare në Itali: Vironi qëlloi Verën me plumb në kokë, të dashurin e ish-gruas e goditi 55 herë me thikë

Një javë pas krimit të dyfishtë, hetuesit kanë zbardhur kronoligjinë e vrasjes së 37-vjeçares shqiptare Mynevere Karabollaj (Vera Myrtaj) dhe të dashurit të saj Flonino Mërkuri, 23 vjeç, nga ish-bashkëshorti Viron Karabollaj. Viktima u nda nga i shoqi tre vjet më parë dhe jetonte me vajzën e saj në Spinea, Venecia. Për një vit e gjysmë ishte në një marrëdhënie të re, çka shkaktoi xhelozinë tek ish-bashkëshorti, i cili vendosi t’i vriste të dy të dielën e 20 nëntorit.

Mediat italiane shkruajnë se, autori i krimit fillimisht ka qëlluar me plumb në kokë ish-bashkëshorten e tij, me të cilën kishte dhe një vajzë, 15 vjeçe. Më pas, ka dhunuar partnerin e saj të ri. Viron Karabollaj e ka ndjekur Flonino Mërkurin deri në garazhin e shtëpisë, ku i riu ka tentuar të ikë për të shpëtuar nga sulmi brutal, por më kot. Karabollaj ka qëlluar të riun me thikë 55 herë, gjë që i ka shkaktuar vdekjen.

Më pas, është rikthyer në shtëpi dhe po me të njëjtën thikë ka riqëlluar 37-vjeçaren, dhjetë herë në total. Mësohet se, plumbi që e ka goditur 37- vjeçaren në ballë, në fakt nuk i ka shkaktuar vdekjen, dhe për ta vrarë Karabollajt i është dashur t’i shkaktojë plagë me thikë trupit të gruas.

Pasi përfunduan autopsitë e kryera nga mjeku ligjor Carlo Terranova, zv/prokurorja Daniela Moroni dje u dha leje familjarëve për varrimin, i cili do të bëhet në ditët në vijim. Dosja do të arkivohet, duke qenë se autori 41-vjeçar vrau veten pak orë pas krimit të dyfishtë. Ai u gjet në një magazinë të kompanisë ku punonte në Venecia.

Krimi makabër u zbulua nga vajza e 37-vjeçares, e cila kishte lajmëruar autoritetet duke ngritur shqetësimin se prej orësh nuk komunikonte me të ëmën. Kontrolli në shtëpinë në via Leopardi, në Spinea, ku jetonte Vera zbuloi dy trupat e pajetë.

Kronike Itali kronike Vrasje