Zbulohen masakrat e çeçenëve që po luftojnë në Ukrainë. “Daily Mial” shkruan se çeçenët kanë vrarë trupat ruse që ishin plagosur rëndë, në një spital fushor të ngritur në veriperëndim të Bucha-s.
Çeçenët, të cilët janë përdorur si një mjet PR në luftën e Vladimir Putinit, dyshohet se vranë shokët e tyre dhe “ngritën një dhomë torture” në një fabrikë xhami në rrugën “Yablonska”.
Artem Hurin, një anëtar i këshillit të qytetit të qytetit fqinj të Irpin, i cili gjithashtu shërben si zëvendës komandant në Forcat e Mbrojtjes Territoriale të Ukrainës, ishte një nga të parët që vizitoi Borodyanka, në veriperëndim të Bucha, pasi ushtarët e Putinit u tërhoqën muajin e kaluar.
“Ata do të sillnin ushtarë rusë të plagosur rëndë në një spital të madh që kishin atje, por ata që ishin shumë rëndë, ata thjesht do t’i qëllonin. Askush tjetër përveç Kadyrovtsy nuk e bëri këtë”, tha ai
Hurin kujtoi historitë e tmerrshme nga banorët që u torturuan dhe përdhunuan nga trupat e ruse.
Sipas banorëve të qytetit, skuadra vrasëse e luftëtarëve çeçenë – të njohur si Kadyrovtsy – kishte ekzekutuar njerëz që në 5 mars.
