Presidenti i Ukrainës, Volodymyr Zelensky në një fjalim në Festivalin Ndërkombëtar Cannes Lions për industrinë krijuese të filmave u ka kërkuar profesionistëve të filmit që të bëjnë më shumë për të “promovuar trimërinë ukrainase”.
Sipas tij fundi i luftës do të vijë nga vëmendja që bota ka dhe do të ketë për Ukrainën.
“Përfundimi i kësaj lufte dhe rrethanat e saj varen nga vëmendja e botës. Dhe kjo është arsyeja pse unë kam nevojë për aleatë. Ne kemi nevojë për njerëz si ju.
Unë besoj se fuqia e krijimtarisë njerëzore është më e madhe se fuqia e një shteti bërthamor që ka ngecur në të kaluarën. Flisni për Ukrainën. Mos lejoni që bota të kalojë në diçka tjetër.”, tha Zelensky.
Ndërkohë që lufta ka hyrë në 119 në Ukrainë, Zelensky ka mbajtur më shumë se 70 fjalime në mbarë botën, duke përfshirë parlamente (edhe në atë shqiptar), institucione ndërkombëtare dhe forume biznesi.
