Presidenti ukrainas ,Zelensky, ka marrë pjesë në Samitin e G7 që po zhvillohet në Gjermani, me anë të një video-telefonate ditën e sotme. Ai i’u ka kërkuar liderve pjesmarrës përforcimin e mbrojtjes kundërajrore, ndihmë për eksportet e grurit dhe garancinë e sigurisë.
“Faleminderit për mbështetjen tuaj dhe asistencën financiare për popullin tonë në luftën kundër Rusisë. Për ne, është shumë i rëndësishëm pozicionimi i shteteve të G7 në sanksionet që po vendosin dhe duhet të vazhdojnë, sidomos në uljen e çmimit të eksportit të naftës nga agresori”, deklaroi ai.
Zelensky ka vënë theksin në përfundimin e luftës përpara dimrit, pasi kjo është jetike, duke qënë se kushtet e motit do t’a bënin më të vështirë trupave tanë që të luftojnë kundër Rusisë.
