Bota 7 Tetor 2022, 16:10

Zërat kundër luftës në Kremlin, inteligjenca amerikane: Njerëz nga rrethi i ngushtë i Putinit po kritikojnë vendimet e tij

Shkruar nga Pamfleti

Një anëtar i rrethit të brendshëm të Vladimir Putin, ka kundërshtuar drejtpërdrejt presidentin rus, lidhur me trajtimin e tij të luftës në Ukrainë, sipas disa informacionit të marrë nga inteligjenca amerikane.

Informacioni u konsiderua mjaft i rëndësishëm saqë u përfshi në konferencën e përditshme të inteligjencës të Presidentit Biden.

Burime nga “The Washington Post” shprehen se sipas informacioneve brenda inteligjencës amerikan se përplajsa e anëtarit brenda rrethit të brendshëm të Putinit, kishte  lidhej me atë që burimi e konsideronte keq menaxhimin e përpjekjeve të luftës dhe gabimet e bëra në  fushatën ushtarake.  Identiteti i personit të brendshëm nuk u bë publik, megjithëse emri është përfshirë në raportimet e inteligjencës amerikane.

Që nga fillimi i okupimit ne kemi parë një alarm në rritje nga një numër i rrethit të brendshëm të Putinit”, tha një zyrtar i inteligjencës perëndimore. “Vlerësimet tona sugjerojnë se këto kundërshtime kanë të bëjnë veçanërisht me humbjet e fundit ruse, drejtimi i gabuar dhe mangësitë e gjera ushtarake.”

Një zyrtar i dytë i lartë perëndimor tha se tensionet e brendshme janë “në përputhje me mënyrën në të cilën ka shkuar fushata për rusët dhe atmosferën në Kremlin. Ka shumë njerëz të cilët janë të bindur se kjo nuk po shkon mirë ose nuk po shkon aspak mirë dhe se kjo nuk është rruga e duhur e veprimit.”

Zëdhënësi i Kremlinit, Dmitry Peskov gjithashtu pranoi se ka pasur mosmarrëveshje dhe debate mes liderëve rusë pasi Putini është përballur me vendime të rëndësishme siç është mobilizimi.

Ka mosmarrëveshje për momente të tilla. Disa mendojnë se ne duhet të veprojmë ndryshe. Por kjo është e gjitha pjesë e procesit të zakonshëm të punës“, tha Peskov për The Washington Post.

I pyetur për mosmarrëveshjet brenda rrethit të brendshëm të Putinit, Peskov tha: “Ka argumente funksionale: për ekonominë, për zhvillimin e operacionit ushtarak. Ka argumente për sistemin arsimor. Kjo është pjesë e procesit normal të punës dhe nuk është shenjë e ndonjë ndarjeje”

Ndërsa sa i takon raportimit të inteligjencës amerikane për një individ në rrethin e brendshëm të Putinit që sfidonte drejtpërdrejt liderin rus ai u shpreh se ishte “absolutisht jo i vërtetë“.


smile

Bota #Putinit #Zërat kundër