Kreu i socialistëve Edi Rama vijon takimet me drejtuesit politik të qarqeve në kuadër të zgjedhjeve të pjesshme vendore që pritet të mbahen më 6 mars në 6 bashki, përkatësisht në Durrës, Shkodër, Rrogozhinë, Lushnje, Vorë dhe Dibër.
Pas takimit me drejtuesin politik të qarkut të Fierit, Taulant Balla, kreu i qeverisë është ndalur ditën e sotme në Tiranë, duke pritur në Kryeministri Erion Veliajn dhe deputetët e qarkut Tiranë për sa i përket punës për kandidaturat e bashkisë Vorë dhe Rrogozhinë.
Vlen të theksohet se informacionet e deri më tanishme, në 5 nga 6 bashkitë ku pritet të mbahen zgjedhjet mundësi potenciale për kandidatë në radhët e PS-së janë:
- Në Bashkinë e Lushnjes është kryetarja aktuale Eriselda Sefa.
- Në Dibër, do të kandidojë kryetari aktual i komanduar, Shkëlqim Murrja (ndonëse ende nuk ka një vendim zyrtar).
- Në Durrës është Emirjana Sako, e cila kryen prej dy vitesh funksionin e kryetares si e komanduar.
- Për Bashkinë e Shkodrës garon Majlinda Angoni, e cila prej dy vitesh mban detyrën e Prefektes.
