Nënkryetari i LSI-së Petrit Vasili në studion e ABC foli për zgjedhjet e 25 prillit dhe programin politik të LSI.
“Ata që nuk paraqesin asnjë vlerë me LSI i marrin. Mallrat e dorës së dytë dhe dorës së tretë mund të përdoren. Influenca e tyre është zero. Shpopullimi është një fenomen që kërkon zgjidhje. Mënyra se duhet të nxjerrim ekonominë nga kjo greminë ku është dhe të bëjmë gjithçka që të mos largohen të rinjtë. Arsimi është një tjetër shtyllë e rëndësishme. Nuk mundet që të rinjtë të diplomohen dhe të marrin rrugët e botës. Barra e borxhit po i thyen këmbët ekonomisë. Bujqësia është një tjetër pikë e rëndësishme e programit tonë. Mbështetja e fortë financiare deri në 200 milion euro në vit do të thotë të krijohen kushtet optimale për bujqësi. Shëndetësia duhet ringritur, kjo e sotmja u vu në një provë të fortë me pandeminë, u përdor si propagandë. Negocimi është drejt përmbylljes dhe mbetet për tu parë se si do të vijojë. Çdo lloj interesi politik po diskutohet në mënyrë konfidenciale. PS nuk ka pasur asnjëherë aleatë, por vetëm farsë. Por në nuk i kemi mbyllur derën askujt që e gjen veten tek opozita e bashkuar. Vendi ose zgjidh problemin në 25 prill dhe shpëton nga gremina ose rrugë tjetër nuk ka”, tha Vasili.
