Kryebashkiaku, Erion Veliaj u shpreh i revoltuar për mungesën e investimeve nga FSHF-ja, e cila sipas tij nuk ka bërë qoftë edhe një fushë në Tiranë. Veliaj u shpreh se Duka ka bërë politikë me sportin, ka konflikt interesi, duke theksuar se “llumi i Shijakut” nuk mund të vendosë më për të ardhmen e fëmijëve që ëndërrojnë të bëhen si Ronaldo apo Mesi.
Duke ju referuar nje artikulli të publikuar në gazetën Panorama, ku theksohet fakti se fondet e ndërkombëtarëve për klubet shqiptare devijojnë apo zhduken rrugës dhe nuk ka transparencë, Veliaj tha se si kryetar Bashkie ka vëtëm një pyetje: “Ku shkuan fondet që FIFA ka lëvruar për të kaluar krizën që mbërtheu futbollin nga COVID-i në dy vitet e fundit?”.
“Nëse më thoni që ka një fushë që ka bërë FSHF në Tiranë, ma thoni ku! Nuk është bërë një fushë, jeton 1/3 e popullsisë. Më thoni po përfshihet politika në sport…E para e punës unë jam 30 për qind aksioner i Tiranës. Flasim për investime. Pas sot në lajme denoncimin e Panoramës, kishte dhënë FIFA…Për sa kohë t’i ka dhënë FIFA dhe nuk i ke shpërndarë. Ne jemi korrekt kur i japim Tiranës premio.. Në 28 mars kreu i Federatës del firmos bluzën dhe del me gjithë kombëtaren dhe thotë votoni ndryshimin.
Në mes të fushatës…Dmth politika nuk duhet të merret me sportin, sporti duhet të merret me politikën! Vëllain deputet, opozitës i thua jo nuk e bën dot me fanellën kuqezi. Cikalleshi është shoku im, por nuk më vjen në emër të federatës. Të ndajmë shoqërinë personale me emrin e federatës. Kur t’i thua votoni numrin 9 dhe ndryshimin, prit pak. Për sa kohë këta njerëz merren me politikë dhe jo me sport?! Kur ti futesh në fushatë politike, ti ke vëllain kandidat, vet thua votoni për opozitën, vetë organizon ndeshjet, ke programe dixhitale të supersportit.
Kjo ka konflikt interesi?! E vetmja gjë që po kërkoj si kryetar bashkie, dhe sot ke 10 mijë fëmijë që po shkojnë në palestra. Nuk e kam detyrën kryesore dhe shih sa kemi bërë, po ata që kanë detyrën kryesore, një fushë nuk kanë bërë në Tiranë. Nëse kishe 2 mln euro paga lufte përse nuk i morën cunat dhe gocat e Tiranës. Po u themi fëmijëve ëndërroni të bëheni si Mesi dhe Ronaldo, por pastaj do jetë llumi i Shijakut që do vendosë fatin tuaj. Po të ishte llumi i Shijakut i aftë do fitonte bashkinë. Prandaj jam i revoltuar, kur ty të paska ofruar FIFA para thua do bëj bojkot se s’kam lekë. Cila është lista e delegatëve që voton? Ju e dini që ku kandidon për herë të gjashtë, mblidh Nanon e Berishën bashkë se qahemi nga dionazaurët e politikës dhe nuk ka listë votuesish. Improvizohet. Si u bëka kështu“, tha Veliaj.
