Në 8 janar në Pukë u gjet një mjet i djegur, që më vonë u zbulua se ishte marrë me qira nga një qytetar Italian.
Pak ditë më vonë mediat italiane ngritën shqetësimin për zhdukjen e ish-gjyqtarit Davide Peccorelli, i cili ishte personi që kishte marrë me qira këtë makinë në Rinas.
Sipas këtyre mediave, Peccorelli ishte angazhuar në një aktivitet të tregtimit të produkteve në veri të vendit dhe kjo ka qenë arsyeja e udhëtimit të tij drejt Shquipërisë, ndërkohë që gazetari Spartak Koka tregon se italiani bashkëjetonte me një grua nga Vlora, me të cilën kishte edhe një fëmijë 2 vjeç.
Koka tha se mbetjet kockore janë gjetur pas 6 orësh, nga një kqyrje më e detajuar e mjetit.
“Në të dhënat që kam marr nga policia e Shkodrës, vetëm 5% e trupit ka mbetur. Zyrtarisht konfirmohet që eshtrat janë tek Instituti i Mjekësisë ligjore dhe pritet krahasimi i ADN-së”, tha Koka duke shtuar se ngjarja dyshohet aksidentale, por nuk përjashtohen dhe pista të tjera.
