Të paktën 10 persona kanë humbur jetën dhe 9 të tjerë janë plagosur nga zjarri që shpërtheu në një ndërtesë banimi në Urumqi, kryeqytetin e Xinjiangut.
Por qytetarët pretendojnë për shkak të kufizimeve të vendosura nga Covid-19, janë penguar për të shuar zjarrin. Kjo ka bërë që të shpërthejnë protesta të dhunshme.
Autoritetet kanë mohuar pretendimet se kufizimet ndaluan njerëzit që t’i shpëtonin zjarrit. Ata fajësuan automjetet e parkuara duke thënë se ndaluan hyrjen e zjarrfikësve.
Pekini prej muajsh po zbaton politikat zero-Covid, pavarësisht numrit rekord të infeksioneve dhe popullit të irrituar.
Qyteti Xinjiang ka qenë nën masa të rrepta kufizimesh që nga fillimi i gushtit. Kjo rriti dhe zemërimin e popullsisë duke bërë që të protestojnë edhe natën.
Turmat e protestueseve u filmuan duke ushtruar dhunë ndaj policisë.
Protestat janë të rralla në Kinë, megjithëse ka pasur mosmarrëveshje publike në rritje që synojnë strategjinë e Pekinit për zero-Covid.
Kjo politik është vendosur për shkak të niveleve relativisht të ulëta të vaksinimit të vendit dhe një përpjekjeje për të mbrojtur të moshuarit./BBC
