Bordi i Twitter ka rënë dakord t’i shesë aksionet Elon Musk në një marrëveshje me vlerë rreth 44 miliardë dollarë (34.5 miliardë £), tha kompania.
Marrëveshja i jep fund aludimeve të medieve sociale që kanë bërë xhiron e rrjetit, pak pasi Musk bëri ofertën shokuese më pak se dy javë më parë. Sipas themeluesit, CEO-s dhe kryeinxhinierit të SpaceX, Twitter kishte “potencial të jashtëzakonshëm” që ai do ta zhbllokonte.
Teksa zbuloi se kishte financuar 46.5 miliardë dollarë për të blerë kompaninë, Musk njoftoi se platforma do t’iu nënshtrohej një sërë ndryshimesh, duke filluar nga lehtësimi i kufizimeve të përmbajtjes deri tek zhdukja e llogarive të rreme.
“Fjala e lirë është themeli i një demokracie funksionale dhe Twitter është sheshi dixhital i qytetit ku debatohen çështjet jetike për të ardhmen e njerëzimit. Kam investuar në Twitter pasi besoj në potencialin e tij për të qenë platforma për fjalën e lirë në mbarë globin dhe besoj se liria e fjalës është një imperativ shoqëror për një demokraci funksionale“- tha Musk teksa njoftoi marrëveshjen.
“Megjithatë, që kur kam bërë investimin tim, tani e kuptoj se kompania as nuk do të lulëzojë dhe as nuk do t’i shërbejë këtij imperativi shoqëror në formën e tij aktuale. Twitter duhet të transformohet si një kompani private”- tha Musk, duke shtuar se: “Transaksioni i propozuar do të sjellë për start një të konsiderueshme të ardhurash dhe ne besojmë se është rruga më e mirë përpara për aksionerët e Twitter”.
“Unë dua ta bëj Twitter më të mirë se kurrë duke përmirësuar platformën me veçori të reja, duke i bërë algoritmet me burim të hapur për të rritur besimin, mposhtur spam bots, si dhe duke e kthyer në autentike për të gjithë njerëzit.”
Sipas revistës Forbes, Musk është njeriu më i pasur në botë, me një vlerë neto prej 273.6 miliardë dollarësh, kryesisht për shkak të aksioneve të tij në prodhuesin e automjeteve elektrike Tesla. Ai gjithashtu drejton firmën e hapësirës ajrore SpaceX.
