Tashmë është zyrtare. Besart Berisha është lojtari i ri i skuadrës së Prishtinës. Nëpërmjet një postimi në faqen zyrtare, klubi kryeqytetas ka konfirmuar transferimin e ish-sulmuesit të kombëtares shqiptare, duke mbyllur kështu merkaton me një goditje “big”.
Pas një karriere mbresëlënëse në Gjermani, Norvegji, Danimarkë, Angli, Australi e Japoni, futbollisti me prejardhje nga qyteti i Prishtinës, ka vendosur t’i bashkohet skuadrës “bardhekaltër”.
Berisha suksesin më tëmadh e ka arritur në Australi, ku ka fituar disa tituj dhe u shpall golashënuesi më i mirë në historinë e Superligës së këtij vendi me 136 gola.
Njoftimi zyrtar i Prishtinës:
Ëmbëlsira sa i përket afatit kalimtar është lënë për fund, Besart Berisha zbarkon te FC Prishtina.
Sulmuesi me përvojë të madhe, Besart Berisha, është përforcimi më i ri i skuadrës sonë.
Pas një karriere mbresëlënëse në Gjermani, Norvegji, Danimarkë, Angli, Australi e Japoni, me Kombëtaren e Shqipërisë dhe Kosovën, futbollisti me prejardhje nga qyteti i Prishtinës ka vendosur t’i bashkohet skuadrës “bardhekaltër” për ta shkrirë gjithë potencialin dhe përvojën e fituar në futbollin botëror për ekipin tonë.
Mirë se vjen Besart Berisha!
