FLASH
Shkruar nga Pamfleti
Autoritetet kolumbiane kanë arrestuar Javier Macias, vëllain e trafikantit famëkeq ekuadoras të drogës, Adolfo “Fito” Macias, i cili kërkohej nga drejtësia për një sërë akuzash të rënda, përfshirë vrasje dhe pastrim parash.
Lajmi u konfirmua nga ministri i Brendshëm i Kolumbisë, John Reberg. “Xavi”, siç njihet ndryshe Javier Macias, u vu në pranga të martën gjatë një operacioni të koordinuar mes autoriteteve të Kolumbisë dhe Ekuadorit.
Sipas Reberg, i arrestuari jetonte në territorin kolumbian duke përdorur një identitet të rremë, ndërsa ndaj tij ishte lëshuar më herët një njoftim i kuq nga Interpol. Autoritetet nuk kanë bërë publike detaje të tjera lidhur me vendndodhjen e tij apo mënyrën e arrestimit.
Arrestimi i Macias vjen në një moment kur vëmendja e autoriteteve ndërkombëtare mbetet e fokusuar te rrjeti kriminal i lidhur me bandën Los Choneros. Organizata është drejtuar për vite me radhë nga vëllai i tij, Adolfo “Fito” Macias, i konsideruar si një nga figurat më të fuqishme të krimit të organizuar në Ekuador.
“Fito” u bë i njohur në mbarë botën pas arratisjes spektakolare nga një burg ekuadorian në vitin 2024. Pas rikapjes së tij, ai u ekstradua në Shtetet e Bashkuara në korrik të vitit 2025, duke u bërë personi i parë i ekstraduar nga Ekuadori drejt SHBA-së pas referendumit të promovuar nga presidenti Daniel Noboa në kuadër të luftës kundër krimit të organizuar.
Aktualisht, ai po përballet me drejtësinë federale në Nju Jork, ku akuzohet për shtatë vepra penale, përfshirë trafik droge dhe armësh. Në rast se shpallet fajtor, ai mund të dënohet nga 20 vjet burg deri në burgim të përjetshëm.
Sipas autoriteteve amerikane, banda Los Choneros ka pasur lidhje të ngushta me kartelin meksikan Sinaloa dhe është klasifikuar nga SHBA-ja si organizatë terroriste.
¡????????????????́ ???????? ???????????????????????? ????????́???? ???????????????????????????? ???????? ????????????????????????????!
— General William Oswaldo Rincón Zambrano (@DirectorPolicia) June 17, 2026
La retención de alias Javi’, máximo cabecilla de ‘Los Choneros’ el delincuente más buscado de Ecuador, representa un golpe sin precedentes contra el crimen organizado transnacional en la región.
Este… pic.twitter.com/DKtkO08aX1
Lini një Përgjigje