FLASH
Shkruar nga Pamfleti
Të paktën dy persona u plagosën nga të shtënat me armë zjarri jashtë një xhamie në qytetin suedez të Örebro-s, ku një person i armatosur thuhet se shënjestroi një besimtar pas lutjeve të së premtes.
Policia po e heton rastin si vrasje në tentativë. Të plagosurit u dërguan në spital, por shkalla e lëndimeve të tyre është e paqartë.
Një dëshmitar i tha televizionit suedez SVT se një sulmues hapi zjarr ndaj një personi që po largohej nga xhamia, pas përfundimit të lutjes.
Sipas raportimit, agresori qëlloi me breshëri të shtënash drejt personit që po dilte nga xhamia në Boglundsängen, në perëndim të qytetit, duke e lënë të plagosur. "Besimtari po largohej nga xhamia, kur mbërriti agresori dhe qëlloi katër ose pesë herë. Pastaj qëlloi edhe më shumë, ndërsa besimtari ishte shtrirë në rrugë", i tha ai transmetuesit publik.
Lars Hedelin i policisë lokale konfirmoi raportet për të shtëna, por tha se ishte shumë herët për të dhënë detaje. "Ajo që mund të konfirmojmë është se kemi marrë një alarm për një formë krimi të rëndë të dhunshëm dhe besohet se ka ndodhur jashtë në një xhami", tha ai.
Mazen Muwaffak, arkëtar i Xhamisë Örebro, konfirmoi se dy persona u plagosën. "Kjo ndodhi menjëherë pas lutjeve të së premtes", i tha ai gazetës Expressen. "Ende nuk e dimë nëse sulmi ishte drejtuar kundër personit apo xhamisë."
Më 4 shkurt, Örebro ishte vendi i një prej të shtënave më të këqija në shkollat e Suedisë, kur Rickard Andersson sulmoi qendrën e arsimit për të rritur Campus Risbergska. Andersson vrau dhjetë persona dhe plagosi gjashtë të tjerë përpara se ta drejtonte armën nga vetja.
Lini një Përgjigje