FLASH
Shkruar nga Pamfleti
Autoritetet në Utah kanë publikuar imazhin e një personi i cili dyshohet të jetë autori i vrasjes aleatit të Donald Trump, Charlie Kirk.
Departamenti i sigurisë publike i Utah-ut lëshoi një deklaratë së bashku me imazhin, ku kërkonte ndihmën e publikut për identifikimin e tij.
"Po kërkojmë ndihmën e publikut për të identifikuar këtë person me interes në lidhje me të shtënat fatale të Charlie Kirk në Universitetin e Utah Valley", thuhej në njoftim.
Një pushkë gjuetie model i vjetër e kalibrit 30, u gjet nga agjentët e FBI-së në pyllin pranë Universitetit të Luginës së Utahut. Arma u gjet e mbështjellë me një peshqir dhe kishte një gëzhoje ende në dhomën e fishekëve dhe tre fishekë të papërdorur në karikator, sipas Wall Street Journal.
Municioni u gjet i gdhendur me slogane pro-transgjinore dhe antifashiste, sipas hetuesve. Hetimi është duke vazhduar ndërsa autoritetet shqyrtojnë provat dhe të dhënat që mund të hedhin dritë mbi motivet e autorit të vrasjes.
Lini një Përgjigje