FLASH
Shkruar nga Pamfleti
Enkelejd Alibeaj ka dalë kundër draftit të dakordësuar për reformën zgjedhore. PS-PD ranë dakord që të hapin vetëm 70 për qind të listave, duke u hedhur hi syve shqiptarëve.
30 për qind do jenë të mbyllura dhe aty janë thuajse gjithë listat fituese. Sipas Alibejt sërish do futen në Kuvend ata që i shkojnë pas kryetarit të partisë.
“E dini ju që kemi deputetë sot me zero vota, janë aty sepse lëpijnë menderen e kryetarit. Të njëjtën gjë po bëni edhe sot, po mbroni disa që do të lëpijnë menderen e kryetarit për tu përfshirë në atë 1/3 që është e mbyllur.
Bëni listat e hapura, që të paktën ata që kandidojnë të lëpijnë menderen e qytetarit”, tha Alibeaj, duke shprehur kundërshtitë e tij, lidhur me draftin e dakordësuar nga PD dhe PS.
Ai tha se edhe për votën e diasporës asgjë nuk po bëhet, thjesht po u hidhet hi syve emigrantëve. “Jam kundër çdo varianti me postë. Shteti shqiptar le t’i çojë makineritë e votimit, të krijojë vendet e votimit, aty ku jetojnë shqiptarët, tu jepet garancia dhe standardi”, tha Alibeaj.
Lini një Përgjigje