FLASH
Shkruar nga Pamfleti
Ishin ndarë para tre vitesh, 55-vjeçari vret me thikë në mes të qytetit ish-gruan...
Një 45-vjeçare, shqiptare është masakruar me thikë nga ish-bashkëshorti i saj, po shqiptar. Nëna e dy vajzave, u godit me thikë për vdekje në rrugë në Tolentino në provincën e Maceratës afër Ankonas.
Ngjarja ndodhi pak pas orës 20:00 në Viale Benadduci, në qendër të qytetit, përpara dhjetëra njerëzve që ecnin në rrugë.
Sipas mediave italiane, viktima është Gentiana Hudhra, 45 vjeç. Ajo u vra nga ish-bashkëshorti Nikollaq Hudhra, 55 vjeç. Ata ishin ndarë para 3 viteve. Kur mbërriti policia, burri ishte ulur në një stol dhe nuk bëri rezistencë. Sipas informacioneve fillestare, autori vuan nga probleme psikiatrike.
Sipas mediave italiane, gruaja ishte nisur për në punë, pasi punonte si kujdestare natën. Ndërkohë mësohet se fëmijët janë aktualisht në kujdesin e shërbimit social.
Vetë dëshmitarët kanë dhënë detaje nga krimi. "Dëgjova një britmë dhe dola nga bari, gruaja ishte në tokë dhe ai vazhdoi ta godiste me shqelma, pastaj u ul në një stol dhe tha 'Bëra atë që duhej të bëja'", ka thënë një dëshmitar.
Lini një Përgjigje