FLASH
Shkruar nga Pamfleti
Policia arrestoi në Tiranë një 28-vjeçar, pasi konstatoi se kishte shkelur masën e arrestit shtëpiak dhe kishte ushtruar dhunë ndaj një mjeku.
Sipas policisë, Elton Halili ishte me masë sigurie për dhunë në familje. Hetuesit zbuluan se ai kishte dalë nga banesa, duke mos respektuar vendimin e gjykatës. Gjatë qëndrimit jashtë, ai sulmoi një mjek në rrugë.
Pas verifikimeve të mëtejshme, policia e identifikoi edhe si autor të tre vjedhjeve. Sipas të dhënave, ai vodhi në një banesë në Yzberisht dhe në dy kompani në rrugën e fshatit Prush.
"Tiranë/Finalizohet operacioni i koduar “Eksponenti”, për kapjen e autorit të dyshuar të 7 rasteve të veprimtarive kriminale. Theu masën e sigurisë “Arrest në shtëpi”, dhe dhunoi një mjek, për shkak të detyrës, ndalohet 28-vjeçari në kërkim. Ky shtetas, gjithashtu autor i dyshuar i 3 vjedhjeve dhe i një kanosjeje, të kryera gjatë muajit shkurt.
Menjëherë pas kallëzimit të një shtetasi, se për shkak të detyrës mjek, ishte dhunuar në rrugë, nga një shtetas, shërbimet e Komisariatit të Policisë Nr. 6 organizuan punën për lokalizimin dhe kapjen e autorit.
Si rezultat, në kuadër të operacionit “Eksponenti”, u ndalua shtetasi E. H., 28 vjeç, i cili nga verifikimet e mëtejshme rezultoi se ishte me masë sigurie “Arrest në shtëpi”, për veprën penale “Dhuna në familje”.
Gjithashtu rezultoi se ky shtetas, më datë 01.02.2026, ka kanosur shtetasin D. D., në banesën e këtij të fundit. Më tej, dyshohet se shtetasi E. H., më datë 08.02.2026, ka vjedhur në një banesë në Yzberisht, ndërsa më datë 10.02.2026, ka vjedhur në 2 kompani në rrugën e fshatit Prush.
Punohet për zbardhjen dhe dokumentimin e të gjitha veprimtarive kriminale në të cilat mund të jetë përfshirë shtetasi E. H. Materialet procedurale iu referuan Prokurorisë së Tiranës, për veprime të mëtejshme.", njofton policia.
Lini një Përgjigje