Shkruar nga Pamfleti
Vetëm pak minuta pasi kryeministri Edi Rama, ka zbuluar propozimet për ndryshimet në qeveri, ka reaguar deputeti i PD-së, Gazment Bardhi.
Me anë të një postimi në “Twitter” ai e ka cilësuar këtë lëvizje të Ramës si një taktikë për të mbuluar fytyrën e kalbur të korrupsionit që sipas tij është përfshirë qeveri Rama.
“Korrupsioni, i cili qendron në themelet e kësaj qeverie, do të vazhdojë të gërryejë mirëqenien në çdo familje shqiptare. Nuk ka pikën e rëndësisë se cilin ministër ndryshon Edi Rama. Është thjesht një makiazh për fytyrën e kalbur nga korrupsioni të kryeministrit”, shkruan Bardhi.
Ndryshimet e bëra në qeveri
Ervin Mete- ministër i Ekonomisë dhe Financave
Igli Hasani- ministër i Jashtëm
Anila Denaj- ministre Bujqësie
Ogerta Manastirliu- ministre Sporti dhe Arsimi
Albana Kociu- ministre e Shëndetësisë
Delina Ibrahimaj- ministre për Sipërmarrjen
Arbi Mazniku- ministër shteti për Pushtetin Vendor
