djegia e mandatit

Fatmir Medua pranon krizën në PD: Djegia e mandatit jo e drejtë, Berisha në merak nga ndërkombëtarët! - Politike
Politike14 Shtator 2019, 08:34

Fatmir Medua pranon krizën në PD: Djegia e mandatit jo e drejtë, Berisha në merak nga ndërkombëtarët!

Shkruar nga Pamfleti
Fatmir Medua pranon krizën në PD: Djegia e mandatit jo e drejtë,

Fatmir Medua pranon krizën në PD: Djegia e mandatit jo e drejtë, Berisha në merak nga ndërkombëtarët!

Kryetari i partisë Republikane Fatmir Mediu ka pranuar hapur se në PD ka përçarje, të cilat nisën që me djegien e mandateve.

I ftuar në emisionin “Provokacija”, Mediu deklaroi se kriza në PD u ndikua drejtpërdrejtë nga vendimet drastike për bojkotimin e zgjedheve.

Kreu i PR e ka cilësuar situatën e tanishme si një tragjikomedi, të cilët vetë opozita nuk duhet ta kishte lejuar.

Mediu ka treguar edhe debatet që lindën brenda PD për djegien ose jo të mandateve dhe bisedat që iai kishte bërë në atë kohë me kreun demokrat Lulzim Bashën.  Gjatë fjalës në emision, Mediu tregoi edhe qëndrimin e ish-kryeministrit Berisha.

 “Bojkoti i zgjedhjeve erdhi si pasojë e bojkotimit të parlamentit, por ka pasur debate të brendshme. Mendoj që beteja politike zhvillohet në zgjedhje. Kundërshtarin nuk e zgjedh dot nëse mendon që kundërshtari po shaktërron vendin, duhet të gjesh të gjithë mekanizmat për ta luftuar, si mediatike, publike, kombetarë e ndërkombëtare dhen fund të fundit zgjedhjet përcaktojnë kush është”, tha kreu i PR, ndërsa e pranoi hapur se ky vendim nuk ka qenë i drejtë në fillim.

 “Po e them troç, që nuk ka qenë i drejtë që në fillim, por kush është rezultati? Është ky Parlament që shohim sot. Seanca e turpshme e djeshme. Pse e lejuam ne këtë? Ne duhet të dinim ta mbanim vetëm me mazhorancën që të mos plotësoheshin vendet. 180 kanë refuzuar, por kishin një rrugë për të mos ardhur në këtë rrugë tragjikomedie.

Parlamenti ishte një institucion që opozita duhet ta shfrytëzonte në maksimum. Unë bëj debatin brenda opozitës por kur marrin vendim debati im mbaron aty. I kam sugjeruar Bashës që të bënim dekakratë me listë që të gjithë deputetët të firmosnin në listë djegien e mandateve që braktisnim përgjithmonë, por ne i lamë hapësirë Ramës që të vepronte në mënyrë të paligjshme por në këtë rast do ishte shkeje flagrante dhe mund të përdorej si moment negocimi”, vijoi me tej aleati i Bashës, ndërsa tregoi edhe qëndrimin e ish-kryeministrit Sali Berisha.

“Ka pasur diskutime t’i djegim ose jo, por kur Basha deklaroi nuk ka pasur një qëndrim. Më pas iu bashkua LSI. Qëndrimi më i pjekur ishte i Berishës që tha se ndërkombëtarët nuk do e pranojnë këtë qëndrimin tonë. Do jetë e vështirë kjo mund të na çojë në sukses të menjëhershëm, ose në probleme shumë të mëdha. Dhe mendoj që këtu ka shumë për të analizuar”, theksoi ai.

Politike