FLASH
Shkruar nga Pamfleti
Juristi Kreshnik Spahiu tha se ish-kryeministri Sali Berisha, ka përfituar terren nga mungesa e ambasadorit të SHBA-ve në Tiranë.
Në një intervistë për Euronews Albania Spahiu tha se që prej momentit kur është larguar ish-ambasadorja Kim dhe ende nuk është mandatuar ambasadori i ri, në sistemin e drejtësisë shqiptare, ndihet roli pasiv dhe mospërkrahja e Shteteve të Bashkuara të Amerikës.
Juristi shtoi gjithashtu se ish-kryeministri Berisha dhe familjarët e tij mund të përfitojnë pafajësinë nëse drejtësia vazhdon me këtë ritëm.
“Nëse do të vazhdojmë me këtë ritëm, unë jam i bindur se drejtësia do i japë pafajësinë Sali Berishës dhe familjes së tij. Do të jetë një çështje e cila do të kthehet “boomerang”, më mirë të mos e kishin filluar.
Nga ana tjetër di të them se mungesa e një ambasadori amerikan në Shqipëri është shumë e ndjeshme. Po ta vëmë re që nga dita që është larguar ambasadorja Yuri kim dhe ende nuk është mandatuar ambasadori i ri, ndihet roli pasiv dhe mospërkrahja e Shteteve të Bashkuara të Amerikës ndaj sistemit të drejtësisë”, tha juristi Spahiu.
Lini një Përgjigje