FLASH
Shkruar nga Pamfleti
Gjyqtari i Gjykatës së Lartë, Ilir Panda, ka dhënë dorëheqjen nga shqyrtimi i dosjes që lidhet me kryebashkiakun e Tiranës, Erion Veliaj.
Pas tërheqjes së Pandës, është caktuar trupa e re gjyqësore që do të shqyrtojë rekursin e Veliajt. Sipas shortit, çështja do të gjykohet nga Sandër Simoni në cilësinë e relatorit, si dhe nga anëtarët Sokol Binaj dhe Albana Boksi.
Dosja është rikthyer për rishqyrtim në Gjykatën e Lartë pas vendimit të Gjykatës Kushtetuese të 25 majit, e cila me shumicë votash 5 me 3 vendosi kthimin e saj për një shqyrtim të ri.
Erion Veliaj ndodhet në paraburgim që prej 10 shkurtit 2025.
Tashmë pritet që trupa e re e Gjykatës së Lartë të shqyrtojë rekursin e paraqitur nga Veliaj dhe të vendosë nëse masa e sigurisë "arrest në burg" është proporcionale dhe në përputhje me kriteret ligjore.
Lini një Përgjigje