FLASH
Shkruar nga Pamfleti
BKH ka sekuestruar dokumentet e “Hill Inter-national HV” dhe "Net Group" të ish-kreut të ARRSH, Evis Berberi, për tenderin e mbikëqyrjes së punimeve të tunelit të Llogarasë.
Pasi SPAK nisi hetimet për disa vepra penale përfshirë dhe korrupsionin, është sekuestruar kontrata e bashkimit të operatorëve ekonomikë. Në kontratë “Hill” është bashkuar me “Net Group” e Valter Begajt kompanie e cila i është shitur nga Evis Berberi.
Dyshohet se 2 kompanitë fituan tenderin 2 milionë euro përmes favorizimit. “Net group” është kompania e ish-ortakut të Evis Berberit, ky i fundit i arrestuar për korrupsion me tenderët e ARRSH.
SPAK ka dyshime se këto dy kompani të bashkuara në një të vetme për të marrë pjesë në tender janë favorizuar, kjo për faktin se Valter Begaj ka qenë ish-ortak me Evis Berberin ish kreun e ARRSH që ndodhet në qeli nën dyshimet për korrupsion e pastrim parash.
Lini një Përgjigje