FLASH
Shkruar nga PamfletiJu ftojmë të ndiqni një bllok lajmesh me zhvillimet kryesore nga kronika e zeze, ku ndër të tjera veçojme:
SPAK ka kërkuar 10 vite burg për ish-kreun e ARRSH-së, Evis Berberi, i akuzuar për korrupsion, shpërdorim detyre dhe shkelje të barazisë në tendere. Ai përfiton nga gjykimi i shkurtuar, ndërsa kërkohet edhe ndalimi për 5 vite nga funksionet publike dhe sekuestrimi i pasurive të tij.
Në një tjetër dosje të rëndë, GJKKO ka lënë në burg tre persona të lidhur me një rrjet kriminal që dyshohet se ka trafikuar rreth 7.5 ton kokainë nga Amerika Latine drejt Europës, ndërsa disa të tjerë janë ende në kërkim. Hetimet ndërkombëtare përfshijnë bashkëpunim me Europol dhe Eurojust.
Ndërkohë, në Tiranë, një tjetër çështje e madhe lidhet me skemën e Call Center-ave mashtruese, ku gjykata ka lënë në burg menaxherin dhe ka caktuar “arrest shtëpie” për katër të tjerë. Hetimet flasin për mbi 50 milionë euro dëme ndaj qytetarëve europianë, kryesisht austriakë, përmes mashtrimeve financiare dhe kriptomonedhave.
Në politikë, kryebashkiaku i Tiranës Erion Veliaj ka paditur në Prokurorinë e Tiranës dy persona të identifikuar si “Nesti Angoni” dhe “Nasta Pëllumbi”, duke kërkuar hetim për falsifikim dokumentesh që kanë shërbyer si bazë për nisjen e procedimit penal ndaj tij.
Në kronikën e zezë, Gjykata e Tiranës ka liruar nga qelia katër të arrestuar për zjarrin në një pallat pranë “Farmacisë 10”, duke vendosur masën “detyrim paraqitje”. Hetimet sugjerojnë se zjarri mund të jetë shkaktuar nga pakujdesia e dy të miturve, pa pasoja fatale.
Një ngjarje e rëndë është shënuar edhe në Maliq, ku mësuesi 55-vjeçar Alban Bejleri humbi jetën nga infarkti gjatë rrugës për në punë. Familjarët e tij kanë ngritur shqetësime për kushtet e punës dhe distancat e largëta që detyrohej të përshkonte çdo ditë.
Në rajon, vijon gjyqi për vrasjen e Liridona Ademajt, ku prokuroria ka kërkuar burgim të përjetshëm për Naim Murselin dhe bashkëpunëtorët e tij. Murseli ka mohuar akuzat, ndërsa familja kërkon drejtësi të plotë.
Ndërkohë, në Greqi po hetohen dy ngjarje tragjike me të reja: një tjetër vajzë rreth 18–19 vjeçe u gjet e pajetë në Kanalin e Korinthit, duke mbetur ende e paidentifikuar.
Autoritetet në të gjitha rastet vijojnë hetimet për të zbardhur plotësisht rrethanat, ndërsa disa prej dosjeve konsiderohen ndër më të rëndat e muajve të fundit në Shqipëri dhe rajon.
Lini një Përgjigje