FLASH
Shkruar nga Pamfleti
Aksidenti ndodhi mes via Vittorio Veneto dhe via Lazzaretto, në qendër të Milanos; disa prej të plagosurve janë në gjendje të rëndë
Një aksident i rëndë ka ndodhur në Milano pasditen e së premtes, duke shkaktuar një të vdekur dhe 39 të plagosur. Një tramvaj ka dalë nga shinat dhe është përplasur me fasadat e dyqaneve, ku përveç pasagjerëve kanë mbetur të plagosur edhe këmbësorë që në atë moment ndodheshin në trajektoren e lëvizjes së tramvajit.
Sipas raporteve fillestare, tre persona u plagosën rëndë dhe u transportuan me ambulancë. Njëri është në gjendje kritike. 38 persona të tjerë, kanë pësuar lëndime më të lehta, një pjesë e tyre u trajtuan në vendngjarje. Zjarrfikësit po punojnë për të nxjerrë një pasagjer tjetër të bllokuar nën tramvaj.
Pesë automjete u dërguan nga selia qendrore në Via Messina në vendngjarje, duke transportuar gjithsej 25 persona. Duket se tramvaji po udhëtonte me një shpejtësi mjaft të lartë përpara se të dilte nga shinat.
???????? ???????????????????????????? ???????????????????????? ????????????????’???????????????????????????? ⬇️#Milano #Tram pic.twitter.com/a26GZdncN6
— Mi-Tomorrow (@MiTomorrow) February 27, 2026
Sipas raportimeve fillestare, treni, pasi u shkëput nga linja hekurudhore për arsye që ende nuk hetohen, u përplas me vitrinën e një dyqani në cep të Viale Vittorio Veneto dhe Via Lazzaretto.
"Mendova se ishte tërmet. Isha ulur dhe rashë në tokë, së bashku me pasagjerët e tjerë. Ishte e tmerrshme", tha një nga pasagjerët që ishte në tramvajin e dalë nga shinat. "Për fat të mirë, godita vetëm gjurin, por burri pranë meje po i rridhte gjak nga koka", vazhdoi ai. "Më duhej pak kohë të ngrihesha dhe të zbrisja.
Bëhet fjalë për tramvajin e linjës 9, ndërsa prokuroria ka nisur hetimet për vrasje nga pakujdesia”
Në via Vittorio Veneto mbërriti kryebashkiaku i Milanos, Beppe Sala, ndërsa më pas edhe Prokurori i Përgjithshëm Marcello Viola, për të marrë informacionet e para mbi aksidentin.
Prokurori Viola: “Po hetojmë për vrasje nga pakujdesia”
Prokurori i përgjithshëm i Milanos, Marcello Viola, u nis drejt vendit të ngjarjes ku tramvaji 9 doli nga shinat, duke shkaktuar një viktimë dhe dhjetëra të plagosur, disa në gjendje të rëndë. Prokuroria ka nisur hetimet për vrasje nga pakujdesia dhe plagosje nga pakujdesia. Dosja i është besuar prokurores së gatshme Elisa Calanduçi.
Në vendin e aksidentit mbërriti edhe përgjegjësja për Transportin në Bashkinë e Milanos, Arianna Censi. “Nuk dimë ende asgjë, po shkojmë të verifikojmë situatën”, deklaroi ajo.
Bilanci i parë
Të paktën 25 persona mbetën të plagosur nga dalja e tramvajit nga shinat. Shumica ishin pasagjerë që ndodheshin në bord, kur mjeti doli nga shinat, kaloi korsinë e makinave dhe përfundoi duke u përplasur me një dyqan. Në momentin e aksidentit, tramvaji ishte i mbushur me pasagjerë, të cilët ranë në tokë nga përplasja.
Viktima u gjet nën tramvajin e dalë nga shinat dhe, me shumë gjasë, ishte një kalimtar që po ecte në viale Vittorio Veneto.
Pasagjerët në gjendje shoku
“Kemi ndjerë diçka poshtë tramvajit, pastaj ramë të gjithë dhe u përplasëm me njëri-tjetrin. Nuk e kuptuam çfarë ndodhi”, tregoi një grua që po udhëtonte drejt shtëpisë së vajzës së saj. “Ndodhi gjithçka papritur. Tramvaji duhej të vazhdonte drejt, por doli nga shinat dhe u përplas me murin”, shtoi një pasagjere tjetër.
Shumë persona u ulën në trotuar pranë vendit të aksidentit, ndërsa ekipet e emergjencës 118, zjarrfikësit dhe policia dhanë ndihmën e parë.
“Mendova se ishte tërmet. Isha ulur dhe përfundova në tokë bashkë me pasagjerët e tjerë. Ishte e tmerrshme”, deklaroi për ANSA një nga pasagjerët që ndodhej në tramvaj.
“Për fat godita vetëm gjurin, por burri pranë meje po humbiste gjak nga koka. M’u desh pak kohë të ngrihesha dhe të zbrisja”, shtoi ai.
Në vendngjarje ndërhynë disa mjete të emergjencës. Sipas informacioneve të para, katër të plagosur u dërguan në spital. Hetimet për shkaqet e aksidentit vijojnë.
/Përshtati Pamfleti/
Lini një Përgjigje