FLASH
Shkruar nga Pamfleti
Pamjet shkaktuan reagime për mënyrën si delegacioni britanik e la vetëm këngëtarin gjatë finales
Mbretëria e Bashkuar vazhdon serinë e rezultateve negative në skenën e Eurovisionit. Këtë vit, Britania u rendit në vendin e fundit për herë të tretë në historinë e saj, duke marrë madje zero pikë nga votimi i publikut.
Një video e regjistruar në ambientin ku ndodheshin delegacionet e vendeve pjesëmarrëse gjatë natës finale është bërë virale në rrjetet sociale, me protagonist përfaqësuesin britanik.
Pamjet konsiderohen mjaft prekëse: këngëtari britanik Sam Battle, i njohur artistikisht si “Look Mum No Computer”, shihet ulur krejtësisht i vetëm në tavolinën e delegacionit britanik gjatë votimit të jurive, pa asnjë anëtar tjetër të ekipit pranë tij.
Megjithatë, një gjest nga delegacioni danez ndryshoi atmosferën dhe riktheu frymën e vërtetë të Eurovisionit si një festival muzike pa armiqësi apo rivalitete.
Përfaqësuesja e Danimarkës iu afrua Sam Battle dhe e ftoi të ulej në tavolinën e delegacionit danez, që ndodhej pranë, në mënyrë që ai të mos rrinte vetëm. Këngëtari britanik e pranoi ftesën, ndërsa përdoruesit në rrjetet sociale reaguan menjëherë, duke e “shpallur” me humor Samin si “zyrtarisht danez”.
Në të njëjtën kohë, shumë komentues kritikuan mënyrën se si delegacioni britanik u soll ndaj artistit gjatë finales së Eurovisionit.
???? The Danish delegation adopted the lonely UK contestant — and the Eurovision clip has now gone viral
— NEXTA (@nexta_tv) May 17, 2026
Denmark showed more support for Britain than Eurovision viewers did by inviting British contestant Sam Battle (Look Mum No Computer) to sit at their table while he was sitting… pic.twitter.com/Ku3UORvzHa
Lini një Përgjigje