FLASH
Shkruar nga Pamfleti
Kryeministrja, Giorgia Meloni, ka nisur një udhëtim surprizë drejt SHBA. Sipas mediave italiane, ajo është nisur drejt rezidencës në Mar-a-Lago, ku do të takohet me Donald Trump.
Avioni u nis të shtunën në mëngjes pak pas orës 11 nga Roma. Pas një ndalese teknike në aeroportin ndërkombëtar Shannon, në Irlandë, ai rifilloi udhëtimin drejt Shteteve të Bashkuara sonte. Takimi mes të dyve mund të zhvillohet rreth orës 1:30 të mëngjesit, me orën tonë.
Axhenda e takimit nuk është zbuluar, por flitet se mund të variojë nga luftërat në Ukrainë dhe Lindjen e Mesme deri te çështja e tarifave, por është e pashmangshme që mes çështjeve për të cilat do të flasë kryeministrja dhe presidenti i zgjedhur i Shteteve të Bashkuara të jetë edhe rasti i Cecilia Sala, gazetares së Il Foglio të arrestuar në Iran.
Por këto janë vetëm hipoteza, pasi ka dyshime se mund të fshihet diçka më e madhe. Meloni është ndër të paktët liderë që Trump ka ftuar në inaugurimin e 20 janarit.
Lini një Përgjigje