FLASH
Shkruar nga Pamfleti
Gjatë aksionit u arrestuan 17 persona, 15 prej të cilëve dyshohet se kishin rol kyç në grup, ndërsa u sekuestruan lëndë narkotike dhe armë.
Një operacion i gjerë policor ka nisur që nga orët e para të mëngjesit të së hënës në Selanik dhe Mykonos, me synim goditjen dhe shpërbërjen e një organizate kriminale të dyshuar për trafik droge dhe veprimtari të tjera të rënda kriminale.
Sipas informacioneve të Policisë Greke (ELAS), deri më tani janë arrestuar 17 persona, ndërsa 15 prej tyre dyshohet se kishin rol kyç në funksionimin e grupit kriminal.
Nga hetimet paraprake rezulton se organizata dyshohet të jetë e përfshirë edhe në grabitje, plagosje, si dhe në incidente me sfond sportiv.
Gjatë operacionit, autoritetet sekuestruan sasi lëndësh narkotike dhe armë, të cilat do t'i nënshtrohen analizave në kuadër të hetimeve.
Operacioni është ende në zhvillim, ndërsa autoritetet greke pritet të publikojnë një njoftim zyrtar me detaje të reja mbi akuzat dhe rolin e secilit prej të arrestuarve në organizatën kriminale.
Lini një Përgjigje