FLASH
Shkruar nga Pamfleti
Perëndimi ende nuk ka parë përparim të konsiderueshëm nga kundërofensiva tepër e kushtueshme Ukrainase, e cila ka zbrazur rezevrat e shteteve perëndimore. Ndërkohë tani që po shkojmë drejt vitit të dytë të luftës, Polonia njoftoi më 20 shtator se do të fokusohej në armatosjen e vetvetes në vend që të ofronte ndihmë të mëtejshme ushtarake për Kievin.
Pra, a po i mbarojnë armët Perëndimit? A po humbasin interesin lojtarët e mëdhenj? A kanë ndryshuar objektivat perëndimore ndërsa lufta ka kaluar kufirin e 18 muajve? Të gjitha këto pyetje qëndrojnë dhe kërkojnë përgjigje të detajuar.
SHBA-ja është shumë larg kontribuesi më i madh i mbështetjes për Ukrainën, pasi ka premtuar rreth 36.5 miliardë paund vetëm në ndihmë ushtarake, dhe nuk vuan në frontin e furnizimit me armë në të njëjtën mënyrë si Evropa.
Sipas, Mark Canican nga Qendra për Studime Strategjike dhe Ndërkombëtare (CSIS), disa artikuj, si "kamionët, furnizimet mjekësore, armët e vogla" e kështu me radhë, ishin "praktikisht të pakufizuar".
Ndërsa shtoi se për pajisjet e tjera i nënshtrohen proceseve shpesh të gjata të prokurimit, por për fat, SHBA-ja zotëron shumë fabrika që prodhojnë armë dhe lidh kontrata të jashtme për gjëra që nuk mund t'i prodhojë në shtëpi.
Normat e konsumit të municioneve në Ukrainë janë jashtëzakonisht të larta, me SHBA-të që reagojnë ndaj kësaj duke miratuar një politikë "prodhimi dhe zëvendësimi" - duke i dhënë gjëra të tilla si kamionë (nga të cilët ka shumë) dhe duke ofruar alternativa për Ukrainën kur ajo nuk mund të ofrojë në mënyrë praktike për shkak të pakësimit të furnizimeve.
Një shembull i përsosur i politikës së zëvendësimit është përfshirja e bombave thërrmuese në paketat e fundit. Edhe pse janë të diskutueshme (ato janë të ndaluara në rreth 120 vende), municionet i ofruan Ukrainës një alternativë të dobishme në fushën e betejës ndaj sasisë së pakrahasueshme të predhave të artilerisë 155 mm që ajo përdorte.
Problemi, pra, nuk është domosdoshmërisht te prokurimi, furnizimi aktual apo edhe përshtatshmëria – pasi departamenti i mbrojtjes i SHBA-së e ka treguar veten të aftë për të menaxhuar të gjitha ato gjëra.
Problemi është politik. Ndërsa mbështetja nga Kongresi mbetet e fortë, një pakicë në Dhomën e Përfaqësuesve është në gjendje të "mbajë peng të gjithë sistemin.
Një grup i vogël republikanësh të vijës së ashpër, të kundërt me shpenzimet e mëtejshme të qeverisë, ka kundërshtuar me vendosmëri çdo financim të mëtejshëm për më shumë mbështetje ushtarake për Ukrainën.
Për më tepër, një sondazh i fundit i CNN zbuloi se shumica e amerikanëve besonin se financimi shtesë nuk duhet të miratohej. Kërcënimi më i madh për ndihmën ushtarake të SHBA-së për Ukrainën duket se është mbështetja për të si nga njerëzit e saj ashtu edhe nga politikanët./SkyNews
Lini një Përgjigje