FLASH
Shkruar nga Pamfleti
Një ngjarje e pazakontë ka ndodhur të martën në aeroportin “Napoleon Bonaparte” në Ajaccio, ku një Airbus A320 i kompanisë Air Corsica, i nisur nga Parisi me një orë vonesë, u detyrua të qëndrojë në ajër për gati një orë pasi kontrollorin e vetëm në turn e kishte zënë gjumi, sipas kapitenit të fluturimit.
Avioni u përballë me mungesë komunikimi nga kulla e kontrollit, gjë që i detyroi pilotët të bëjnë rrotullime në ajër mbi Gjirin e Ajaccios, ndërsa kërkonin ndihmë nga kontrollorët rajonalë.
Sipas gazetës lokale Corse Matin, vetëm një kontrollor ishte në shërbim dhe nuk arriti të përgjigjej, duke detyruar ekipin e zjarrfikësve të aeroportit të lajmëronte xhandarmërinë. Pas disa vonesash për shkak të dyerve të sigurisë, kontrollori u gjet duke fjetur në zyrën e tij.
Kapiteni, i cili foli në kushte anonimiteti, theksoi se nuk pati panik në bord dhe pasagjerët e morën situatën me qetësi. Kontrollori iu nënshtrua testimeve për alkool dhe drogë, të cilat rezultuan negative.
Lini një Përgjigje