FLASH
Shkruar nga Pamfleti
Skena e sikletshme ku u përfshi Presidenti francez Emmanuel Macron ka shkaktuar reagime të shumta. Një ndër to ishte edhe ai nga Kremlini, ku zëdhënësja e ministrisë së Jashtme ruse, Maria Zakharova, komentoi me ironi imazhet e mbërritjes së Presidentit Francez Emmanuel Macron në Hanoi të Vietnamit.
Kjo është një video në të cilën udhëheqësi francez goditet me shuplakë nga gruaja e tij , Brigitte , ndërsa zbret nga aeroplani.
“Interesante nuk është kjo, interesante është se çfarë historie do të shpikë Champs-Elysées këtë herë”, shkroi diplomatja në Telegram , duke bërë shaka se Macron u godit nga “dora e Kremlinit”.
"Çfarë ndodhi këtë herë?" Zonja e parë vendosi t'i jepte burrit të saj një përkëdhelje të butë në faqe dhe nuk e llogariti forcën e saj?
Ajo i dha një pecetë, por ai nuk e mori?
Ajo donte t’i rregullonte jakën, por nuk e arriti të dashurin e saj? A e pengoi figura e Presidentit francez?", shkroi zëdhënësja e Ministrisë së Jashtme.
Në një video që regjistroi daljen e çiftit nga avioni presidencial, dallohet një dorë që “godet me shuplakë” Macronin, i cili është zënë në befasi. Sikleti i presidentit francez nga gjesti i gruas së tij është i dukshëm.
Brigitte Macron më pas refuzoi të merrte dorën që Emmanuel Macron i ofroi për ta zbritur nga shkallët e avionit.
Kur u pyet për incidentin, Emmanuel Macron u përpoq ta paraqiste atë si një incident të parëndësishëm midis bashkëshortëve. "Ndoshta po bënim shaka, siç bëjmë shpesh unë dhe gruaja ime, dhe papritmas kjo video u paraqit si një katastrofë globale. Në botën në të cilën jetojmë, nuk kemi kohë të merremi me gjëra të tilla”, theksoi ai.
Lini një Përgjigje