FLASH
Shkruar nga Pamfleti
51 pasgoditje janë shënuar pas tërmetit të fuqishëm me magnitudë 6.2 që goditi Stambollin paraditen e sotme, me epiqendër në Detin e Marmaras në një thellësi prej 7 km, duke zgjatur për rreth 13 sekonda.
Sipas ministrit të Brendshëm turk Ali Yerlikaya, epiqendra ishte 24 km larg bregdetit të Silivrit dhe tërmeti është ndjerë fuqishëm në Stamboll dhe në qytetet përreth.
Deri në orën 15:12, janë regjistruar plot 51 pasgoditje, ku më e forta ka qenë me magnitudë 5.9. Në qendrën e thirrjeve emergjente 112 janë raportuar rreth 6 mijë e 100 telefonata, kryesisht për informacione.
Të paktën 151 persona janë plagosur nga tërmeti që goditi Stambollin, njoftoi zyra e Guvernatorit të qytetit turk.
Autoritetet u bëjnë thirrje qytetarëve që të mos bien pre e panikut dhe të ndjekin vetëm informacionet zyrtare. Paralajmërohet gjithashtu për mundësinë e pasgoditjeve të tjera, ndaj kërkohet vigjilencë dhe kujdes i shtuar.
Çfarë janë pasgoditjet dhe sa zgjasin?
Pasgoditjet janë dridhje të vogla që ndodhin pas një tërmeti të madh kryesor dhe këto lëkundje ndihmojnë në shpërndarjen e energjisë në koren e tokës të krijuar nga tërmeti kryesor. Pasgoditjet zakonisht ndodhin menjëherë pas tërmetit kryesor dhe ulen në intensitet me kalimin e kohës. Megjithatë, këto dridhje mund të paraqesin ende rreziqe të konsiderueshme dhe të shkaktojnë dëme shtesë, veçanërisht në strukturat e dobëta. Në rajonet e vendosura në linjat e thyerjes aktive, si Türkiye, vërehen shpesh pasgoditje dhe për këtë arsye siguria ndaj tërmeteve është e një rëndësie të madhe.
Pasgoditjet ndodhin gjatë këtij procesi ndërsa toka përpiqet të kthehet në gjendjen e saj normale. Edhe pse përgjithësisht më pak të rënda, pasgoditjet mund të shkaktojnë ankth dhe rrezik në rritje pas një tërmeti të madh.
Lini një Përgjigje