Më shumë se 160 mijë qytetarë dolën në rrugët e Tel Avivit për të demonstruar kundër reformës së diskutueshme në drejtësi të promovuar nga qeveria izraelite.
Mediat e huaja raportojnë se tubimet u mbajtën edhe në qytete të tjera të mëdha.
Përballë rezistencës së fortë nga qytetarët, opozita, ushtria dhe madje edhe një pjesë e koalicionit, Netanyahu shtyu debatin dhe votimin në Knesset, parlamentin e Izraelit deri në fund të marsit për të lënë “hapësirë për dialog”.
Protestat masive kanë vazhduar për katër muaj që kur qeveria e kryeministrit Benjamin Netanyahu zbuloi planin e saj. Reforma e propozuar i jep qeverisë kompetenca më të mëdha për të emëruar gjyqtarë dhe kufizon kompetencat e Gjykatës së Lartë, vendimet e së cilës parlamenti mund t'i rrëzojë me një shumicë të thjeshtë.
Mes kritikave të ashpra, edhe nga brenda qeverisë dhe forcave të armatosura, në fund të marsit, kryeministri Netanyahu pezulloi përkohësisht procesin për të lënë "hapësirë për dialog".
Megjithatë, opozita është skeptike ndaj synimit të qeverisë për të gjetur një zgjidhje kompromisi. Disa besojnë se qeveria do të përpiqet të përshpejtojë reformën e diskutueshme në fund të muajit.