FLASH
Shkruar nga Pamfleti
Ushtria izraelite publikoi një video ku shfaqen trupa që hyjnë në territorin e Libanit jugor duke kaluar nga Siria, në një operacion që duket të jetë pjesë e zgjerimit të pranisë ushtarake në zonë.
Pamjet u publikuan vetëm disa orë pasi kryeministri Benjamin Netanyahu njoftoi zgjerimin e ofensivës izraelite në rajon. Sipas tij, operacioni synon të zgjerojë më tej atë që ai e ka cilësuar si “zonë ekzistuese sigurie”.
Në video, ushtarët duken të pajisur për lëvizje në terren të vështirë dhe përdorin ski për të kaluar zona malore përgjatë kufirit siriano-libanez, një tregues i kushteve gjeografike dhe natyrës së operacionit.
Zgjerimi i ndërhyrjes sinjalizon një fazë të re të aktivitetit ushtarak izraelit në jug të Libanit, një zonë me rëndësi strategjike dhe histori të tensionuar. Autoritetet izraelite e justifikojnë praninë e tyre me nevojën për të garantuar sigurinë përgjatë kufirit verior dhe për të parandaluar kërcënimet nga grupet e armatosura në rajon.
❄️????WATCH: Troops from the Alpinist Unit carried out a targeted operation across complex, snow-covered terrain, from the Syrian Hermon to the Mount Dov area, to locate and dismantle terrorist infrastructure and gather critical intelligence, as well as prevent terrorist… pic.twitter.com/w25jTffSef
— Israel Defense Forces (@IDF) March 29, 2026
Lini një Përgjigje