Ekonomi10 Maj 2023, 17:18

Bordi i Transparencës ndryshon çmimin e karburanteve, rriten nafta dhe benzina

Shkruar nga Pamfleti

Bordi i Transparencës ndryshon çmimin e karburanteve, rriten nafta

Bordi i Transparencës është mbledhur ditën e sotme dhe ka vendosur të ndryshojë sërish çmimin e karburanteve në tregun tonë.

Në përfundim të mbledhjes, Bordi vendosi që nafta të shitet me 173 lekë/litri nga 169 që ishte. Benzina do të shitet me 173 lekë/litri nga 172 lekë/litri që ishte, ndërsa gazi do të shitet me 65 lekë/litri.

Lista e çmimeve:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër.

Çmimi i shitjes me pakicë i nënproduktit gaz, të jetë 63 lekë/litri me pakicë dhe i shitjes me shumicë 51 lekë/litër për automjetet.

Çmimi i gazoilit për peshkim është vendosur 79 lekë/litër.

Çmimet e caktuara nga Bordi do të hynë në fuqi në datë 10 Maj ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

bordi nafta benzina