FLASH
Shkruar nga Peter Lucas
Arrestimi i McGonigal shkaktoi një stuhi zjarri politik në Shqipëri. Megjithatë, Rama, kreu i Partisë Socialiste, ka mundur ta kapërcejë stuhinë. Ai është ndihmuar nga Blinken, Ambasada e SHBA-së dhe Departamenti i Shtetit, të cilët vazhdojnë ta mbështesin...
Ishte më shumë se një rastësi. Teksa Sekretari i Shtetit Antony Blinken ishte në Tiranë duke lavdëruar kryeministrin shqiptar Edi Rama javën e kaluar, një agjent i FBI-së i lidhur me Ramën, u dënua me burg për ryshfet.
Ish- agjenti i FBI-së, Charles McGonigal, 55 vjeç, dikur kreu i zyrës së kundërzbulimit të FBI-së në Nju Jork, u dënua me dy vjet burg të premten e kaluar, pasi u deklarua fajtor për marrjen e një pagese prej 225,000 dollarësh para të thata.
Paratë erdhën nga një ish-agjent i inteligjencës shqiptare, Agron Neza, tashmë shtetas amerikan, i cili mori pjesë në takimet me McGonigal dhe Ramën, si në Uashington ashtu edhe në Tiranë.
Dënimi erdhi pas atij me katër viteve që McGonigal i ishte dhënë për dosjen ruse.
McGonigal, i cili pranoi se kishte një lidhje të vazhdueshme me Ramën, u takua fshehurazi me kryeministrin shqiptar dhe Nezën në disa raste.
Në një takim në Tiranë më 9 shtator 2017, për të cilin FBI nuk dinte asgjë, McGonigal diskutoi, ndër të tjera me Ramën edhe kontratat e shpimit në fushat e naftës. Madje McGonigal i dhuroi Ramës një kapele bejsbolli të FBI-së.
Menjëherë pas kësaj, McGonigal dyshohet se ka pranuar paratë në disa pagesa nga Neza, gjatë takimeve në Nju Jork. Nuk është bërë e qartë se çfarë bëri McGonigal në këmbim të parave.
Rama ka mohuar çdo shkelje ligji dhe ai nuk është vënë nën hetim, as në SHBA dhe sigurisht as në Shqipëri, ku kontrollon drejtësinë.
Ajo vizitë e shtatorit ishte një nga disa udhëtime që McGonigal bëri në Shqipëri, një vend i vogël ish-komunist, ku korrupsioni politik dhe pastrimi i parave nga droga janë të zakonshme.
Arrestimi i McGonigal shkaktoi një stuhi zjarri politik në Shqipëri. Megjithatë, Rama, kreu i Partisë Socialiste, ka mundur ta kapërcejë stuhinë.
Ai është ndihmuar nga Blinken, Ambasada e SHBA-së dhe Departamenti i Shtetit, të cilët vazhdojnë ta mbështesin atë, ndërsa godasin kundërshtarin kryesor politik të Ramës, ish-kryeministrin Sali Berisha.
Berisha, 79 vjeç, që kërkon një rikthim politik, kandidon kundër Ramës në vitin 2025.
Blinken ka hyrë fuqishëm në politikën shqiptare, gjë që mund të rrjedhë nga sulmet e mëparshme të Berishës ndaj George Soros, një mik i familjes së Blinken, i cili ka kërkuar të ndikojë në politikën shqiptare dhe sistemin e saj të drejtësisë.
Ish-ambasadorja e Blinken në Shqipëri, Yuri Kim, u fut në politikën shqiptare siç nuk e ka bërë asnjë zyrtar tjetër amerikan. Ajo u përpoq të nxirrte Berishën nga Partia Demokratike, të cilën ai e themeloi pas rënies së komunizmit. Duke dështuar me këtë skenar, ajo u përpoq ta largonte atë si deputet.
Blinken më parë i bëri një nder Ramës, kur shpalli “non grata” Berishën, dikur mjaft i dashur nga Departamenti i Shtetit.
Ai e shpalli Berishën si “persona non grata” për “aktet korruptive”, që dyshohet se kanë ndodhur kur Berisha ishte në pushtet tetë vjet më parë.
Së fundmi, Rama në dhjetor e vendosi Berishën në arrest shtëpie për korrupsionin e dyshuar të një marrëveshje toke lidhur 15 vjet më parë.
Ndalesa e shkurtër e Blinken në Tiranë, gjatë rrugës për në Konferencën e Sigurisë së Mynihut, shërbeu si një shpërqendrim i madh i marrëdhënieve me publikun, për marrëdhënien McGonigal/Rama dhe dënimin e McGonigal.
Vizita simbolizonte gjithashtu miratimin nga ana e Blinken, e vendimit të Ramës për të arrestuar Berishën dhe për të gjymtuar fushatën e tij. “Zyrtarët e korruptuar po ndëshkohen”, u tha Blinken gazetarëve shqiptarë, duke treguar se ai kishte parasysh Berishën, jo McGonigal apo ndonjë tjetër në Shqipëri.
Ndërkohë Berisha flet çdo natë nga ballkoni i banesës së tij në Tiranë për mbështetësit që mblidhen në rrugën poshtë pallatit.
Ashtu si Joe Biden, Edi Rama me ndihmën e Blinken po sigurohet që kundërshtari i tij të bëjë fushatë nga një qeli burgu. Politika në Shqipëri është fisnore, e poshtër dhe hakmarrëse, ashtu si në Amerikë.
Berisha nuk është i shenjtë me siguri, por as Rama. Shenjtorja e fundit shqiptare ishte Nënë Tereza.
Pyetja pa përgjigje është: Nga erdhi fitimi prej 225,000 dollarësh dhe për çfarë shërbente?/ Përshtati “Pamfleti” nga “Boston Herald”
Lini një Përgjigje