FLASH
Shkruar nga Pamfleti
Mbledhja e sotme e KLP-së pritet të zhvillohet me monitorim “të rreptë” nga diplomatët dhe përfaqësuesit e disa prej misioneve apo strukturave që monitorojnë punën e SPAK-ut.
KLP pritet të emërojë sot kreun e ri të Prokurorisë së Posaçme, ndërsa mandati i Altin Dumanit si kreu i SPAK përfundon zyrtarisht më 18 dhjetor.
Në garë për kreun e SPAK-ut janë 4 kandidatë: Adnan Xholi, Doloreza Musabellium, Elvin Gokaj dhe Klodian Braho.
Çdo kandidat do të ketë 45 minuta për të prezantuar platformën e tij të lidershipit, por edhe për t'iu përgjigjur pyetjeve nga anëtarët e KLP-së.
Në përfundim të këtij procesi, anëtarët e Këshillit të Lartë të Prokurorisë do të votojnë për drejtuesin, i cili zgjidhet me shumicë të thjeshtë votash. Kjo është hera e parë që 4 kandidatë marrin pjesë në garën për kreun e SPAK. Në rastin e zgjedhjes së Dumanit, në garë ishin 3 kandidatë, njëri prej të cilëve ishte Adnan Xholi, i cili tani do të synojë të marrë drejtimin e SPAK, ndërsa për 3 vjet drejtoi seksionin për luftën kundër krimit të organizuar.
Mbledhja e sotme e KLP-së pritet të zhvillohet me monitorim “të rreptë” nga diplomatët dhe përfaqësuesit e disa prej misioneve apo strukturave që monitorojnë punën e SPAK-ut. Tre vjet më parë, ishin amerikanët ata që monitoruan procesin, ndërsa këtë vit ka një interes të shtuar jo vetëm nga misioni i BE-së, por edhe nga vendet anëtare individuale të Bashkimit Evropian.
Përveç përfaqësuesve nga ambasadat e SHBA-së, Mbretërisë së Bashkuar dhe BE-së, takimi i KLP-së pritet të monitorohet nga përfaqësues nga ambasadat gjermane, italiane, franceze dhe holandeze.
Delegacioni i BE-së në Tiranë dhe Ambasada e Mbretërisë së Bashkuar kërkuan që konkursi i sotëm të zhvillohet në mënyrë të drejtë dhe transparente. Përmes reagimeve të tyre, ata kërkojnë përzgjedhjen e një udhëheqësi të pavarur, profesional dhe të përkushtuar sipas standardeve më të larta.
Një ditë më parë, SHBA-të vlerësuan punën e Altin Dumanit pas një takimi me zyrtarin e Departamentit të Shtetit, Zëvendësdrejtoreshën për Çështjet e Evropës Perëndimore dhe Qendrore, Lyn Debevoise.
SHBA-të vlerësuan punën e Dumanit në luftën kundër krimit dhe korrupsionit, duke theksuar se ai vendosi standardin për bashkëpunimin midis dy vendeve.
Altin Dumani u zgjodh në krye të SPAK më 18 dhjetor 2022 dhe është prokurori i dytë që drejton SPAK që nga krijimi i Strukturës së Posaçme, pas Arben Krajës. Mandati i kryeprokurorit është 3-vjeçar dhe pa të drejtë rizgjedhjeje.
Në rast se dy ose më shumë kandidatë marrin një numër të barabartë votash, Këshilli, me pjesëmarrjen e të gjithë anëtarëve të pranishëm, kryen një votim të dytë midis kandidatëve me numër të barabartë votash.
Klp nuk mund të drejtohet nga një person i vetëm. Duhen në krye minimumi 7anëtare të zgjedhur, jo një person. Krimi ka kapërcyer çdo lloj arsyeje njerëzore këtu në Shqipëri. Një person është si një llampë e vendosur mbi një tension të lartë krimi, që është e destinuar te digjet sh shpejt... Kush i nxorri kandidat këta emra dhe pse vetëm 4?!
Se di te tjeret po ky xholi sta mbushka syrin .mburravec i vogel po flet per jevgjit e cerrikut e per grabitesit e 97 per mese 1 ore kurse per korrupsionin 1 min Kete do partia mesa duket .sukse se ti do zgjidhesh