
Detaje të reja kanë dalë në dritë nga plagosja me armë zjarri në Shijak, ndërsa është bërë i ditur identiteti i të plagosurit.
Burime për mediat raportojnë se 50-vjeçari i plagosur është Ardjan Çyrbjan, ndërsa autori i dyshuar është Ervis Hodo. Ky i fundit ka qëlluar tri herë me armë në drejtim të 50-vjeçarit, i cili ka qenë nën shoqërinë e bashkëshortes dhe fëmijës.
Plumbat e kanë kapur në bark dhe afër zemrës. Bëhet me dije se bashkëshortja e Çyrbes i është afruar autorit duke iu lutur të mos qëllonte më.
I plagosuri është nga Shijaku, ndërsa autori i krimit Hodo është nga Dibra, i cili banonte në Shijak.
Sipas policisë, sherri mes tyre ka nisur për motive të dobëta. Grupi hetimor ndërkohë ka nisur punën për zbardhjen e plotë të ngjarjes.
Lini një Përgjigje